Rasija pastavić bolš nafty, čym płanavałasia 13

Rasija i Biełaruś damovilisia ab pavieličeńni ŭ pieršym kvartale 2013 hoda płanavych pastavak rasijskaj nafty z 4,625 młn. ton da 5,025 młn. ton.

Pra heta paviedamlaje ahienctva Prajm sa spasyłkaj na aficyjnaha pradstaŭnika pradpryjemstva «Tranśniefć» Ihara Dziomina.

Pry hetym Dziomin zaznačyŭ, što rašeńnie ab pastaŭkach nafty ŭ cełym u 2013 hodzie pakul nie pryniata, pieramovy praciahvajucca.

Nahadajem, Alaksandr Łukašenka 21 śniežnia zajaviŭ, što dasiahnuta pahadnieńnie ab pastaŭkach u Biełaruś z Rasii ŭ 2013 hodzie 23 młn. ton nafty. Adnak Ministerstva enierhietyki RF abvierhła hetuju infarmacyju, zajaviŭšy, što pahadnieńnie abjomach pastaŭki nafty nie padpisana i rasijski bok praciahvaje prytrymlivacca prapanovy ab pastaŭkach 18,5 młn. ton. Pry hetym padkreślivałasia, što pastaŭki nafty ŭ pieršym kvartale buduć ažyćciaŭlacca zychodziačy z prapanavanaha abjomu.

Vice-premjer Rasii Arkadź Dvarkovič paviedamlaŭ raniej, što ab`iomy pastavak abmiarkoŭvajucca ŭ źviazcy z vyrašeńniem prablemy ekspartu biełaruskim bokam rastvaralnikaŭ. Rasijski bok nieadnarazova vykazvaŭ zaniepakojenaść tym, što Biełaruś mahła ekspartavać naftapradukty pad vyhladam razbavicielaŭ i rastvaralnikaŭ dla ŭniknieńnia vypłaty ekspartnych pošlin u biudžet RF. Łukašenka sa svajho boku zajaŭlaŭ, što pytańnie ekspartu rastvaralnikaŭ nie pieraškadžaje padpisańniu naftavaha bałansu z RF na 2013 hod.

Biełaruski kiraŭnik zaznačaŭ, što kali raniej Rasija admoviła ŭ pastaŭkach patrebnych abjomaŭ nafty, Biełaruś atrymlivała naftu ŭ Vieniesuele, Azierbajdžanie. Pavodle słoŭ Łukašenki, takija pastaŭki mienš dachodnyja, i respublika atrymlivała nie 55 dołaraŭ z tony, jak ad rasijskaj nafty, pierapracoŭvajučy jaje, a 40–45 dołaraŭ, naprykład, ad vieniesuelskaj nafty.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH