Uźviadzieńnie novaha budynku Biblijateki nia ŭkładvajecca ŭ zaplanavanyja terminy. Pra heta śviedčyć i fakt masavaha pryciahnieńnia da rabot studentaŭ dy vajskoŭcaŭ. BDU štodzień dasyłaje na pracu da 180 navučencaŭ.
Arhanizacyjaj pracy zajmajecca Ŭpraŭleńnie vychavaŭčaj raboty z moładździu. A voś što paviedamiŭ karespandentu «NN» student Biełaruskaha dziaržaŭnaha technalahičnaha ŭniversitetu Źmicier. Studentaŭ BDTU nakiroŭvali na budoŭlu dvojčy. Zaniatki ŭ tyja dni admianialisia, a jaŭka na pracu była abaviazkovaja. Padčas pracy Źmicier staŭ śviedkam šmatlikich parušeńniaŭ pracoŭnaj dyscypliny: budaŭniki palili ŭ nieabstalavanych pamiaškańniach, siarod ich byli niećviarozyja. Adzin z budaŭnikoŭ paskardziŭsia na toje, što miesca dla biblijateki vybranaje nieabdumana, i im čaściakom davodziłasia zalivać betonam raskoliny ŭ fundamencie. Na budoŭli Źmicier sustreŭ siabroŭ z BATU.
Staŭleńnie studentaŭ da prymusovych rabot nieadnaznačnaje. Niechta rady prahulać zaniatki, kahości razdražniaje marnavańnie času.
Šmat chto z budučych karystalnikaŭ biblijateki vykazvaje sumnieŭ u metazhodnaści ŭźviadzieńnia hmachu, kali jość racyjanalnyja i tannyja varyjanty, jak, naprykład, pabudova sietki kamputaryzavanych studenckich biblijatek.
