Антоніа Рудзігер. Фота: Manu Fernandez / AP
31-гадовы абаронца зборнай і мадрыдскага «Рэала» Антоніа Рудзігер вызнае іслам. Да наступлення месяца Рамадан ён апублікаваў у сацсетках фота на малітоўным кілімку з паднятым уверх пальцам.
«Няхай Усявышні прыме наш пост і малітвы», — напісаў ён. Нямецкі журналіст Юльян Райхельт (былы галоўрэд Bild) напісаў у X, што спецслужбы Нямеччыны называюць гэты жэст «пальцам ІДІЛ» і расцэньваюць яго як прыкмету ісламізму.
Адвакаты Рудыгера і Нямецкага футбольнага саюза падалі на Райхельта ў суд.
Па іх словах, ён паказаў жэст, які многія мусульмане лічаць сімвалам таухіда – ісламскага дагмату аб адзіным богу Алаху.
У адказ на запыт Bild у МУС Нямеччыны і экспертнай супольнасці заявілі, што сам па сабе таухід і падняты ўверх палец не з'яўляюцца экстрэмізмам. Але баевікі сапраўды часта іх выкарыстоўваюць.
Сам Рудыгер заявіў, што «гвалт і тэрарызм абсалютна непрымальныя, я за мір і талерантнасць».
Чытайце таксама:
Былы трэнер брэсцкага «Дынама» прызнаўся, што траціць у Маскве да 500 еўра за месяц
Беларускі футбаліст патаптаўся на другім, 17-гадовым. Стала вядома, як яго пакаралі
Грузія выйшла на чэмпіянат Еўропы па футболе. І гэта мегасенсацыя
