Падчас агульнай аўдыенцыі, якая прайшла 6 сакавіка на плошчы святога Пятра ў Ватыкане, архімандрыт Сяргей выказаў Папу падзяку ад беларускіх грэка-католікаў за стварэнне Апостальскай адміністратуры, а таксама павіншаваў яго з адзінаццатай гадавінай абрання на Пасад, якая будзе адзначацца 13 сакавіка. У якасці дару ён уручыў Францішку паменшаную копію абраза Маці Божай Жыровіцкай, выкананую на мармуры ў мінскай майстэрні Glivi.
Апостальская адміністратура для католікаў візантыйскага абраду ў Беларусі была створана па рашэнні Францішка 30 сакавіка 2023 года. Апостальскім адміністратарам гэтай касцёльнай структуры быў прызначаны архімандрыт Сяргей Гаек, дагэтуль Апостальскі візітатар для беларускіх грэка-католікаў.
У студзені 2023 года пантыфік маліўся перад копіяй абраза Маці Божай Жыровіцкай, якая была выстаўлена падчас агульнай аўдыенцыі ў ватыканскай Зале Паўла VI. Пантыфік прасіў Багародзіцу аб дары міру ва Украіне, дзе таксама шырока ўшаноўваецца гэта ікона.
Чытайце таксама:
Каталіцкі арцыбіскуп афіцыйна дазволіў вернікам есці мяса на свята 8 сакавіка
Выйшла кніга пра каталіцкага святара, які правёў 25 гадоў у савецкіх лагерах і высылках
Беларускія ксяндзы з'ездзілі на чэмпіянат Еўропы па футболе. Вынік так сабе
