«На падставе [вынікаў] расследавання ўлады могуць зрабіць выснову, што меў месца наўмысны сабатаж газаправодаў. У той жа час, паводле ацэнак, у Даніі няма неабходных падстаў для завядзення крымінальнай справы», — сказана ў паведамленні.
Раней у лютым сваё расследаванне спынілі ў Швецыі па аналагічнай прычыне, патлумачыўшы, што «шведская юрысдыкцыя непрымяняльная».
Расследаванне перш за ўсё павінна было вызначыць, ці былі шведы датычныя да таго, што адбылося, але пра гэта нічога не паказвала, растлумачылі тады ў пракуратуры гэтай краіны.
Швецыя перадала атрыманыя звесткі Германіі, дзе працягваюць расследаваць справу. Расія да расследавання заходніх краін не дапушчаная.
Уцечкі на трох нітках газаправодаў «Паўночны паток» былі выяўленыя 26 верасня 2022 года. Вярхоўны прадстаўнік ЕС у замежных справах і палітыцы бяспекі Жазэп Барэль тады заявіў, што пашкоджанні газаправодаў «Паўночны паток» носяць наўмысны характар. Пасля шведскія сейсмолагі паведамілі пра магутны выбух, які папярэднічаў уцечкам.
Чытайце таксама:
Польшча перашкаджала расследаванню справы аб падрыве трубаправода «Паўночны паток» — WSJ
Зяленскі: Я б ніколі не даў загад узарваць «Паўночныя патокі»
Амерыканскі расследавальнік сцвярджае, што «Паўночны паток» знішчылі ЗША з дапамогай Нарвегіі
