Фота: Realt.by
Новую паліклініку на 8 паверхаў пабудуюць на месцы старой. Пра гэта, як паведамляе Міністэрства аховы здароўя, расказаў галоўны доктар Мінскага гарадскога клінічнага анкалагічнага цэнтра Віктар Кандратовіч, піша Realt.by.
— Работы па зносе існуючага будынка пачнуцца ў канцы сакавіка — у пачатку красавіка гэтага года, — адзначыў Віктар Кандратовіч. — Перадпраектныя работы ўжо праведзены, старт будаўніцтва сучаснага аб'екта аховы здароўя намечаны на восень-зіму 2024 года.
Па словах Віктара Кандратовіча, у адпаведнасці з праектам новая паліклініка на праспекце Незалежнасці будзе васьміпавярховай, на 1500 наведванняў у змену. Тут таксама размесцяцца негаспітальныя службы і адміністрацыйны апарат. Што тычыцца тэрмінаў будаўніцтва, то здача аб'екта ў эксплуатацыю чакаецца праз тры-пяць гадоў.
Паліклініка, якая цяпер маецца ў мінскага анкацэнтра, пабудавана ў 1977 годзе. Раней будынак у стылі савецкага мадэрнізму хацелі рэканструяваць — надбудаваць паверх і ўзвесці прыбудову. Аднак, паводле ацэнак спецыялістаў, існуючы падмурак і апорныя канструкцыі не вытрымалі б мадэрнізацыі.
Чытайце таксама:
У Мінску побач з метро «Грушаўка» зносяць прыватны сектар. Яму засталіся лічаныя дні ФОТЫ
Стала вядома, што збудуюць на месцы кінатэатра ў Чыжоўцы
У цэнтры Мінска пачалі зносіць будынак былой мэблевай фабрыкі ФОТЫ
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)