Сабака ў цягніку рэгіянальных ліній. Скрын сторыз @ustpix / Instagram
Кадры з электрычкі, якая накіроўвалася ў Віцебск, размясціў на сваёй старонцы ў інстаграме карыстальнік Арцём Усцінаў (@ustpix). На ім відаць, як спачатку адна правадніца знаходзіць сабаку пад сядзеннем і міла з ім камунікуе. На іншым відэа «безбілетніка з Талачына» корміць бутэрбродам другая правадніца.
Правадніца корміць сабаку ў цягніку рэгіянальных ліній. Скрын сторыз @ustpix / Instagram
Як піша «Зеркала», спасылаючыся на словы карыстальнікаў у каментарах, праз мясцовыя групы ў сацсетках атрымалася адшукаць гаспадара сабакі і вярнуць яму прапажу.
«У беларускай чыгункі найлепшыя правадніцы!», «Наша чыгунка — самая добрая», «Шкада, што лёс паслаў кату Твіксу правадніцу зусім іншага характару… Гэтаму сабаку пашанцавала!» — пішуць карыстальнікі ў каментарах.
Чытайце яшчэ:
Расійская чыгунка пасля гібелі ката Твікса зменіць правілы перавозкі хатніх жывёлаў
