Самалёт далёкага радыёлакацыйнага выяўлення і кіравання А-50.
РБК-Украіна таксама апублікаваў перахопленыя размовы з падбітага самалёта Іл-22М, які планаваў здзейсніць пасадку ў Анапе і запрасіў эвакуацыю, выклік хуткай і пажарнай машыны.
Самалёт ДРЛВ А-50 — унікальны, такіх на ўзбраенні ў Расіі не больш за дзевяць, але не ўсе яны былі баяздольныя. Кошт такога самалёта больш за 300 мільёнаў даляраў. А-50 — асноўны для ўказанняў па нанясенні ракетных удараў па тэрыторыі Украіны.
Менавіта па ДРЛВ А-50 у лютым 2023 года быў нанесены ўдар дронам на беларускім аэрадроме «Мачулішчы».
На здымку ІЛ-20, які візуальна падобны да ІЛ-22. Фота: ТАСС
Не менш унікальны і самалёт Іл-22М — «паветраны абаронены пункт кіравання». Пад «абароненасцю» маецца на ўвазе устойлівасць каналаў сувязі да ўздзеяння сродкаў радыёэлектроннай барацьбы.
Гэты самалёт з'яўляецца паветраным камандным пунктам, з якога можна кіраваць войскамі падчас баявых дзеянняў. Паколькі гэты пункт знаходзіцца ў паветры, тое яго немагчыма збіць аператыўна-тактычнымі ракетамі.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»
