Ілюстрацыйнае фота
Пракуратура Ленінскага раёна Мінска накіравала ў суд крымінальную справу па абвінавачванні 39-гадовага мужчыны ў жорсткім абыходжанні з жывёлай, што пацягнула яе гібель.
Нецвярозы мужчына 12 жніўня скінуў з балкона кватэры, размешчанай на дзявятым паверсе, на праезную частку дарогі ката, якога раней падарылі яго жонцы.
Жывёла загінула.
Сведкамі здарэння сталі жыхары дома, у тым ліку малыя дзеці, якія знаходзіліся ў той момант на гульнявой пляцоўцы.
Раней мужчына неаднаразова прыцягваўся да крымінальнай адказнасці, мае не знятую і не пагашаную судзімасць.
Дзеянні абвінавачанага кваліфікаваныя па артыкуле 339-1 (ч. 1): жорсткае абыходжанне з жывёлай. Гэта караецца грамадскімі працамі, або штрафам, або папраўчымі работамі на тэрмін да аднаго года, або арыштам.
Чытайце таксама:
У Віцебску асудзілі жанчыну, якая адсякала галовы катам
У Мінску пенсіянерка выкінула ката з балкона. Жывёла загінула, а жанчыне далі штраф
