Іван Норка. Фота: сацыяльныя сеткі
65-гадовага Івана Норку затрымалі і змясцілі пад варту 10 ліпеня, праз трое сутак перавялі пад хатні арышт, паведамляе «Берасцейская вясна».
Па матэрыялах абвінавачання, Норка ў «Аднакласніках» адзначыў падабайкай некую публікацыю. Аднак экспертыза выявіла ў ёй нібыта непраўдзівыя звесткі аб тым, што Аляксандр Лукашэнка датычны да злачынстваў трох відаў («акт тэрарызму», «забойства», «перавышэнне ўлады або службовых паўнамоцтваў»).
Суддзя Мікалай Кміта прысудзіў пенсіянеру з інваліднасцю паўтара года «хатняй хіміі».