Як расказаў адзін з «дэпутатаў» «Народнай рады ДНР», Дубавы «пайшоў па кветкі» і на вуліцы яго збіла машына.
Генадзь Дубавы быў з ліку ўкраінскіх грамадзян, якія перайшлі на службу да расійскіх акупантаў. Раней ён вучыўся ў Данецкім нацыянальным універсітэце на эканаміста, а з 1995 года працаваў журналістам па PR-дзейнасці як у расійскіх, так і ўкраінскіх СМІ. Таксама ён, як паведамляецца, заснаваў агенцтва сацыяльна-палітычнага мадэлявання «Вэйс-Украіна» (цяпер «Вэйс-Наваросія») і першую афіцыйную газету «ДНР».
У 2014 годзе ён запісаўся ў «народнае апалчэнне ДНР» і з таго часу ваяваў супраць Украіны.
Сярод іншага ён быў аўтарам антыўкраінскай кнігі «Рыцари Новороссии. Хроники корреспондента легендарного Моторолы», якую ў 2017 годзе прывезлі на Мінскі міжнародны кніжны кірмаш, але пасля скандалу, з гэтым звязанага, мусілі прыбраць з прылаўкаў.
Чытайце таксама:
«Быццам не дваццаць за дзень страцілі». Расійскі франтавік раскрывае рэальныя лічбы страт
