Прызёрка Алімпіяды Надзея Астапчук упершыню за паўгода выйшла на сувязь 1

Пра затрыманне чэмпіёнкі свету і Еўропы, прызёркі Алімпійскіх гульняў — 2008 стала вядома 15 снежня.

Пазней былыя вязні распавядалі пра сустрэчу з Надзеяй за кратамі: «Пакуль чакалі суд, міма па калідоры на допыт правялі спартоўку Астапчук. Вонкава была спакойная, але відаць, што «груз на плячах несла».

Расійская журналістка Кацярына Яньшына знаходзілася на Акрэсціна з 5 па 20 студзеня. Яна распавяла «Нашай Ніве», што чула ад сваіх сукамерніц пра тое, у якіх умовах у той час сядзела спартоўка.

Калі Кацярына была ў ЦІП, ёй расказвалі, што Астапчук знаходзілася ў ІЧУ на Акрэсціна. У ЦІП вельмі спякотна, а ў ІЧУ, наадварот, дужа холадна.

Паводле сукамерніц Кацярыны, спартсменка захварэла падчас зняволення, але нават у такім стане, лежачы на падлозе, закрывала сабой людзей ад скразняку.

У лютым «інтэрв'ю» ў Астапчук на АНТ узяў Марат Маркаў.

Nashaniva.com