schengenvisainfo.com
Улады Нямеччыны і Аўстрыі збіраюцца з 15 чэрвеня цалкам адкрыць мяжу, якая была зачынена з-за пандэміі каранавіруснай інфекцыі. Пра гэта паведаміла ў сераду Аўстрыйскае агенцтва друку са спасылкай на ведамства канцлера Аўстрыі.
У аўторак план адкрыцця межаў прадставіла канцлер Нямеччыны Ангела Меркель. У сераду паміж Германіяй і Аўстрыяй былі адкрыты дробныя памежныя пераезды для карыстання жыхарамі прыгранічных рэгіёнаў у раёне германскай федэральнай зямлі Баварыя і аўстрыйскай федэральнай зямлі Верхняя Аўстрыя. У далейшым таксама павінны адкрыцца памежныя пераезды ў аўстрыйскіх Ціролі і Зальцбургу.
Аўстрыя для барацьбы з распаўсюджваннем каранавіруса ўвяла ў сакавіку санітарны і пагранічны кантроль на межах. Той, хто прыбывае ў Аўстрыю, павінен знаходзіцца ў самаізаляцыі на працягу 14 дзён (для асоб з месцам жыхарства ў гэта краіне) ці даць медыцынскую даведку з адмоўным вынікам аналізу на каранавірус, выдадзеную не раней, чым за чатыры дні. Адсутнасць даведкі азначае адмову ва ўездзе.