Пажар адбыўся ў хоспісе для састарэлых «Другі дом» у Краснагорску ў Падмаскоўі (Расія), піша tass.ru.
Крыніца ў экстранных службах паведаміла пра 10 загінулых.
Пасля інцыдэнту былі шпіталізаваныя дзевяць чалавек, шасцёра з іх — у рэанімацыі.
Паводле звестак крыніцы, у хоспісе было 37 чалавек, восем з іх — персанал.
Паведамленне аб узгаранні паступіла на пульт пажарнай аховы ў 23:59 10 мая. Ачаг пажару знаходзіўся на другім паверсе будынка. Прычынай магла стаць няспраўнасць воданагравальніка.
Хоспіс праходзіць па дакументах як прыватнае ўладанне. Паводле інфармацыі крыніцы ў праваахоўных органах, двухпавярховы будынак быў арандаваны прыватнай асобай, размяшчэнне састарэлых людзей, сярод якіх былі ляжачыя, было арганізавана без дакументаў.
0
0
0
0
0
0
