Фота Corriere della Sera
Колькасць заражэнняў новым тыпам каранавіруса ў свеце дасягнула 105 586, каранавірус закрануў ужо 101 краіну, паведамляе Сусветная арганізацыя аховы здароўя.
Вірус за апошнія суткі зафіксаваны ў Албаніі, Балгарыі, Коста-Рыцы, Малдове, Французскай Гвіяне, на Мальце, Мальдывах, Фарэрскіх выспах і на французскім карыбскім востраве Марцініка.
За межамі Кітая за апошнія 24 гадзіны былі зафіксаваныя 3 610 новых выпадкаў заражэння, 71 чалавек памёр.
У Кітаі 80 735 заражаных, але там эпідэмія пайшла на спад.
На другім месцы Паўднёвая Карэя — 7 382, на трэцяе месца выйшла Італія, там 7 375 заразіліся. Прычым у Італіі колькасць хворых расце вялікімі тэмпамі.
У Іране — 6 566 хворых. Далей ідуць Францыя і Нямеччына — па 1 209, 1 040 адпаведна.
У Іспаніі 673 хворых, у ЗША — 554, прычым у Злучаных Штатах колькасць таксама моцна павялічваецца, а губернатар Нью-Ёрка анансаваў надзвычайную сітуацыю.