Першы ў свеце камерцыйны самалёт, які цалкам працуе на электраэнергіі, здзейсніў палёт у аўторак у канадскай правінцыі Брытанская Калумбія, піша ria.ru.
Палёт стаў магчымы дзякуючы сумесным намаганням дзвюх кампаній — Harbour Air, найбуйнейшай у Паўночнай Амерыцы авіякампаніі па вытворчасці гідрасамалётаў, а таксама magniX — кампаніі, якая здзяйсняе «рэвалюцыю ў сферы электрычнай авіяцыі».
Паспяховы палёт ePlane, шасцімеснага самалёта маркі de Havilland Canada DHC-2 Beaver, абсталяванага рухавіком magni500 магутнасцю 750 конскіх сіл, адбыўся ў канадскім горадзе Рычмандзе.
Самалётам кіраваў гендырэктар і заснавальнік Harbour Air Грэг Макдугал. Паводле яго слоў, гэты палёт «увайшоў у гісторыю».
Кампаніі плануюць пачаць працэс сертыфікацыі электрычных рухавікоў для самалётаў.
