Стаўка рэфінансавання ў Беларусі ад 20 лістапада зніжаецца з 9,5% да 9% гадавых, стаўка па крэдыце овернайт — з 10,75% да 10% гадавых, стаўка па дэпазіце овернайт — з 8,25% да 8% гадавых, паведамляе БелТА.
У трэцім квартале інтэнсіўнасць інфляцыйных працэсаў працягнула запавольвацца. Дынаміка фактычнай гадавой інфляцыі, якая ў верасні склала 5,3%, фарміруецца ў адпаведнасці з прагнознымі ацэнкамі Нацыянальнага банка. Чакаецца, што ў канцы 2019 года і на працягу 2020 года інфляцыя будзе знаходзіцца ў межах 5%.
«Прынятыя рашэнні забяспечваюць захаванне нейтральнага характару грашова-крэдытнай палітыкі», - адзначылі ў Нацбанку.
Азначанае зніжэнне ставак па крэдыце і дэпазіце овернайт забяспечыць звужэнне калідора працэнтных ставак па інструментах рэгулявання ліквіднасці банкаў да 2 працэнтных пунктаў. Як растлумачылі ў Нацбанку, у далейшым гэтыя стаўкі будуць змяняцца адначасова са стаўкай рэфінансавання на адпаведную велічыню.
