Лідар «Нацыянальнага корпуса», нацыяналіст Андрэй Білецкі заявіў, што патрыёты і ветэраны абвяшчаюць бестэрміновую акцыю пратэсту з-за ўзгаднення формулы Штайнмаера, паведамляе Українська правда.
«Зяленскі здрадзіў 16 000 украінцаў, што загінулі на фронце. Мы, патрыёты, ветэраны, аб'яўляем бестэрміновую акцыю. Мы звяртаемся да ўсіх украінцаў выходзіць сёння на Банкавую [рэзідэнцыя прэзідэнта Украіны — Рэд.], каб паказаць гэтай уладзе: мы такія ж, якія былі 5 гадоў таму, у нас ёсць уласная годнасць, у нас ёсць пачуццё гонару і мы гатовыя змагацца за нашу краіну», — заявіў ён.
1 кастрычніка прэзідэнт Украіны Уладзімір Зяленскі заявіў, што Украіна ўзгадніла тэкст формулы Штайнмаера, якая ўвойдзе ў новы закон пра статус Данбаса.
Каля рэзідэнцыі ўкраінскага прэзідэнта на вуліцы Банкавай у Кіеве мітынгуюць некалькі сотняў нацыяналістаў.
Прысутныя выкрыкваюць: «Не капітуляцыі!». У выступах адзначаюць, што акцыя папераджальная, і не выключаюць, што заўтра прыйдуць пад Вярхоўную Раду.
