У панядзелак аднавіліся акцыі пратэсту ў Ганконгу, частка мітынгоўцаў паспрабавала разбіць шкляныя дзверы ўваходу ў парламент, перадае South China Morning Post. Яны выкарыстоўвалі металічныя вазкі і жалезныя пруты.
З іншага боку выстраіліся паліцыянты ў ахоўным рыштунку з металічнымі шчытамі. Яны распылілі слёзацечны газ, каб адагнаць пратэстоўцаў.
Каля будынка парламента знаходзяцца некалькі сотняў маніфэстантаў, піша SCMP. Да іх выйшаў адзін з дэпутатаў і паспрабаваў пераканаць спыніць спробы прарвацца ўнутр. Аднак людзі ігнаруюць яго просьбы.
Пратэсты прымеркаваны да 22-й гадавіны перадачы рэгіёну пад кантроль Пекіна.
0
0
0
0
0
0