Міністэрства адукацыі прапрацуе пытанне прававога рэгулявання мер бяспекі і прапускнога рэжыму ў школах Беларусі. Пра гэта БелТА паведаміла прэс-сакратарка Міністэрства адукацыі Людміла Высоцкая.
«Ва ўсіх установах адукацыі Беларусі будуць узмоцнены меры бяспекі і дысцыпліны. Сумесна з зацікаўленымі прапрацуем пытанне аб нарматыўным рэгуляванні мер бяспекі і прапускнога рэжыму ў школах», — сказала Людміла Высоцкая.
Асаблівая ўвага будзе нададзена выхаваўчай і сацыяльна-псіхалагічнай працы.
«Ва ўстановах адукацыі будзе ўзмоцнена работа школьных псіхолагаў. Будзе распрацаваны алгарытм сумесных дзеянняў з бацькамі ў плане кантролю занятасці падлеткаў пасля вучобы. Законныя прадстаўнікі не павінны ўхіляцца ад выхавання. Ім варта ведаць, чым займаюцца ў вольны час дзеці, дзе яны знаходзяцца, што глядзяць у інтэрнэце, з кім маюць зносіны ў сацыяльных сетках, трэба выбудаваць з імі даверныя адносіны», — адзначыла прэс-сакратар.
