У Баранавіцкім раёне легкавы аўтамабіль з'ехаў у кювет і загарэўся, паведамілі ва УУС Брэсцкага аблвыканкама.
Фота ДАІ Брэсцкай вобласці
Аварыя адбылася сёння каля 7:40. Паводле папярэдняй інфармацыі, за рулём аўтамабіля «БМВ 320» знаходзіўся 23-гадовы жыхар пасёлка Першамайскі. На закругленні дарогі кіроўца не справіўся з кіраваннем, дапусціў з'езд у кювет, пасля чаго іншамарка перакулілася і загарэлася. У выніку дарожна-транспартнага здарэння малады чалавек атрымаў цялесныя пашкоджанні. Яго шпіталізавалі ў Баранавіцкую гарадскую бальніцу.
Па факце ДТЗ праводзіцца праверка.
0
0
0
0
0
0
