Расійскі ўрад уключыў аборты ў пералік медыцынскіх паслуг, для правядзення якіх неабходна атрымаць дадатковую медыцынскую ліцэнзію, паведамляе ВВС.
У панядзелак была апублікаваная адпаведная пастанова, падпісаная 8 снежня 2016 года прэм'ер-міністрам Расіі Дзмітрыем Мядзведзевым. Яна ўступіць у сілу праз год пасля публікацыі.
Да тых часоў аказваць паслугі па перапыненні цяжарнасці змогуць медустановы, якія маюць ліцэнзію на аказанне паслуг па кірунку «акушэрства і гінекалогія».
Пасля ўступлення пастановы ў сілу медустановам прыйдзецца атрымліваць асобную ліцэнзію на правядзенне абортаў.
Афіцыйны прадстаўнік міністэрства аховы здароўя РФ Алег Салагай паведаміў, што ведамства хоча весці ўлік медыцынскіх устаноў, якія праводзяць такую працэдуру. Цяпер у міністэрства аховы здароўя няма статыстыкі па клінікам, якія праводзяць аборты платна.
