Pucin puściŭ ślazu na mitynhu ŭ svaju padtrymku abnaŭlajecca 92

Na mitynhu na Maniežnaj z vačej u Pucina pakacilisia ślozy.

Pa vynikach apracoŭki 99% pratakołaŭ Uładzimir Pucin nabiraje hałasoŭ 63,82%, pieradaje RIA «Naviny» aficyjnyja dadzienyja Centrvybarkama.

U Hienadzia Ziuhanava 17,18%, u Michaiła Procharaŭ 7,77%. Uładzimir Žyrynoŭski nabraŭ 6,23%, Siarhiej Mironaŭ — 3,84%.

Pavodle źviestak paralelnaha padliku SMS-CVK asacyjacyi «Hołas», prem'jer-ministr Uładzimir Pucin nabiraje 50,75% hałasoŭ,

havorycca na sajcie prajektu.Hetyja źviestki składzienyja na asnovie źviestak z pratakołaŭ učastkovych kamisij.

Paśla apracoŭki 1368 pratakołaŭ, jakija naziralniki dasyłajuć u «Hołas» z dapamohaj mabilnych telefonaŭ, Hienadź Ziuhanaŭ nabiraje 19,2%, Michaił Procharaŭ — 16,83%, Uładzimir Žyrynoŭski — 6,29%, Siarhiej Mironaŭ — 5,08%.

Pavodle vynikaŭ prakramloŭskich ekzit-połaŭ, Pucin pieramahaje ŭ pieršym tury, ale nabiraje mienš hałasoŭ, čym toje lubiać abviaščać jahonyja sajuźniki-aŭtakraty ŭ Biełarusi i Kazachstanie.

VCIOM: Pucin 58%, Ziuhanaŭ 18%, Procharaŭ 9%, Žyrynoŭski 8%, Mironaŭ 5%.

Inšaja prakramloŭskaja sacyjałahičnaja słužba, FOM, daje Pucinu 59,3% hałasoŭ vybarščykaŭ.

FOM taksama pravodziŭ svoj ekzit-poł. Druhoje miesca, pavodle FOM, zajmaje lider KPRF Hienadź Ziuhanaŭ, jaki atrymaŭ 18,2% hałasoŭ. Samavyłučeniec-miljarder Michaił Procharaŭ zajmaje treciaje miesca z 9,6%, viečny lidar ŁDPR Uładzimir Žyrynoŭski nabiraje 7,4%, lidar «Spraviadlivaj Rasiei» Siarhiej Mironaŭ — 4,3%.

Što cikava, vyniki paralelnaha padliku hałasoŭ asacyjacyjaj «Hołas» dajuć Pucinu na 13% mienš, čym źviestki CVK.

Pavodle CVK, Pucin pieramoh va ŭsich rehijonach Rasii, i tolki ŭ Maskvie trochi nie dabraŭ da 50% hałasoŭ. U astatnich rehijonach jon nabiraje bolš za 50%.

Pry hetym na druhoje miesca vychodzić Ziuhanaŭ. U Maskvie, Pieciarburhu i šerahu inšych vialikich haradoŭ druhoje miesca zajmaje libierał Procharaŭ.

Kiraŭnik vybarčaha štaba Pucina, režysior Stanisłaŭ Havaruchin nazvaŭ hetyja vybary «samymi čystymi» ŭ historyi Rasii.

Sapraŭdy, ułady pajšli na biesprecedentnyja miery adkrytaści, kab dakazać sumlennaść pieramohi Pucina. Na ŭčastkach pastavili veb-kamiery. Kolkaść ludziej, jakija prahałasavali daterminova, skłała kala 1%. (Dla paraŭnańnia: u Biełarusi na vybarach 2006 i 2010 hadoŭ jana składała 31 i 23%.)

Tym nie mienš, jość šmat faktaŭ, jakija vyklikajuć vialikija sumnievy. Tak, papiarednija vyniki vybaraŭ u Čačni śviedčać ab tym, što ŭ vybarach ŭziali ŭdzieł 99,59% vybarščykaŭ. Pry hetym za Uładzimira Pucina prahałasavali 99,73% vybarščykaŭ. Kiraŭnik respubliki Ramzan Kadyraŭ nazvaŭ vyniki hałasavańnia łahičnymi i spraviadlivymi

Na Maniežnaj płoščy kala Kramla ŭviečary sabrałasia kala sta tysiač prychilnikaŭ Pucina.

Pucin vyjšaŭ na mitynh razam ź Miadźviedzievym. Na vačach u jaho byli ślozy, ale havaryŭ jon sa stallu ŭ hołasie. Jon zajaviŭ, što hetyja vybary dakazali, što Rasii nichto nie moža naviazać svajoj voli zvonku. Pry hetym jon abvinavaciŭ svaich apanientaŭ u žadańni razvalić Rasiju. Svaju pramovu jon skončyŭ słovami «Słava Rasii!» Heta łozunh, anałahičny našamu «Žyvie Biełaruś!»

Paźniej jon patłumačyŭ, što ślozy byli sapraŭdnymi, ale «ad vietru».

Vialiki mitynh apazicyi zapłanavany na zaŭtra.

Jon raspačniecca a 19-j viečara na Puškinskaj płoščy. Lidar hramadzianskaj apazicyi Alaksiej Navalny zajaviŭ učora, što manifiestacyja budzie całkam mirnaj.

Ni ŭ koha niama sumnievaŭ, što Pucin zdabudzie svaich 50 pracentaŭ hałasoŭ.

U krainie, dzie tele- i radyjokanały całkam kantralujucca ŭładaj, hetaha lohka dabicca.

Adnak hetyja vybary, u adroźnieńnie ad hałasavańnia 2008 ci 2004 hadoŭ, majuć svaju intryhu.

Vybaram papiaredničali 100-tysiačnyja akcyi pratestu apazicyi. Jany adnoviacca ŭ paniadziełak i buduć doŭžycca ceły tydzień.

Jaki maštab nabuduć paślavybarnyja pratesty? Jak jany buduć raźvivacca? Jaki scenar na ich padrychtavali pucinskija siłaviki?

Ci paŭtorać jany minski śniežań-2010, ci dazvolać ludziam svabodu vykazvańnia?

Mienavita ad hetaha tydnia budzie zaležać trajektoryja raźvićcia Rasii nastupnyja 6 hadoŭ.

Šeść, bo źmienienaja kanstytucyja padoŭžyła prezidencki termin u Rasii.

Pavodle acenak rasijskaha sacyjołaha Ihara Klamkina, papularnaść Pucina padaje i moža całkam raźviejacca ŭ nastupnyja hady.

Usio bolšuju viadomaść nabyvaje palityčny lidar novaha pakaleńnia — rasijski nacyjanalist Alaksiej Navalny.

Hety błohier źjadnaŭ vakoł siabie pravych i levych. Jon vyłučyŭ niekalki tem, jakija abjadnoŭvajuć rasijskaje hramadstva: baraćba z karupcyjaj, demakratyzacyja palityčnaj sistemy, jeŭrapieizacyja dziaržaŭnych orhanaŭ.

Navalny zaklikaje da manifiestacyj z palityčnymi patrabavańniami. Jon prapanuje raźbić u centry Maskvy namiotavaje miastečka

i pratestavać da taho času, pakul ułady nie zadavolać patrabavańniaŭ apazicyi. U pryvatnaści, patrabujuć praviadzieńnia pieravybaraŭ u Dumu i adstaŭki kiraŭnika Centrvybarkama.

Takim čynam, naša ŭvaha budzie skiravana na Maskvu nie tolki siońnia, 4 sakavika, ale i nastupnyja dni.

MB

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH