Vydadziena druhaja častka dvuchtomnaj encykłapiedyi «Vialikaje kniastva Litoŭskaje». Kniha ŭbačyła śviet u vydaviectvie «Biełaruskaja encykłapiedyja imia P.Broŭki».
Jak raskazali karespandentu BIEŁTA u redakcyi historyi, fiłasofii, ekanomiki i prava vydaviectva, materyjały encykłapiedyi achoplivajuć historyju šmatnacyjanalnaj dziaržavy, jakaja isnavała va Uschodniaj Jeŭropie bolš za piać stahodździaŭ ‑ z pačatku CHIII da kanca ChVIII.
U ałfavitnych encykłapiedyčnych artykułach źmieščana infarmacyja ab najbolš značnych histaryčnych i mižnarodnych źjavach, jakija paŭpłyvali na stanovišča VKŁ, a taksama pravavych aktach, centralnych i miascovych orhanach ułady. Vialikaja ŭvaha ŭ encykłapiedyi ŭdzielena dziaržaŭnym, relihijnym i kulturnym dziejačam, a taksama pradstaŭnikam kniažackich i šlachieckich rodaŭ, šyroka aśvietlena hrašovaja i finansavaja palityka. Značnaja častka artykułaŭ pryśviečana pomnikam architektury, a taksama najbolš značnym drukavanym i rukapisnym kniham, pieryjadyčnym vydańniam. U encykłapiedyi taksama źmieščany bijahrafii vučonych XIX ‑ XX stahodździaŭ, jakija ŭnieśli najbolš važki ŭkład u daśledavańnie historyi i kultury VKŁ. Vydańnie bahata ilustravana kalarovymi i čorna‑biełymi fotazdymkami, malunkami, kartami i płanami.
Krynicami dla padrychtoŭki encykłapiedyi, pieršy tom jakoj vyjšaŭ u 2006 hodzie, stali materyjały z archivaŭ Biełarusi, Polščy, Litvy, Ukrainy. U stvareńni fundamientalnaha daviednika ŭdzielničali vučonyja Instytuta historyi i Instytuta mastactvaznaŭstva, etnahrafii i falkłoru imia K.Krapivy Nacyjanalnaj akademii navuk Biełarusi, a taksama ŭsich biełaruskich VNU.
