U Minsku faktyčna zaviaršajecca prastudna‑hrypozny epidsiezon. Štodnia ŭ horadzie rehistrujecca ad 3 da 3,5 tysiačy zvarotaŭ haradžan u ambułatorna‑palikliničnyja ŭstanovy ź simptomami VRVI.
Jak tłumačać śpiecyjalisty Minskaha haradskoha centra hihijeny i epidemijałohii, epidsiezon, jaki minuŭ, nielha nazvać zvyčajnym, bo paralelna z cyrkulacyjaj zvyčajnych reśpiratornych virusaŭ i virusaŭ siezonnaha hrypu nazirałasia i cyrkulacyja novaha vysokapatahiennaha štama virusa hrypu A/H1N1, jaki vyklikaŭ rezki epidemičny padjom u nietypovy dla hrypu čas — u kastryčniku‑listapadzie 2009 hoda. Usiaho za listapad vostrymi reśpiratornymi infiekcyjami i hrypam pierachvareli 9,7 pracenta haradžan. Siarod chvorych, špitalizavanych z uskładnienymi formami hrypu (ź virusna‑bakteryjalnymi pnieŭmanijami) u 44 pracentaŭ identyfikavaŭsia virus hrypu A/H1N1.
U studzieni—sakaviku 2010 hoda zachvorvańnie na VRVI i hryp zachoŭvałasia na pieradepidemičnym uzroŭni: štodnia ŭ horadzie rehistravałasia ad 4,5 da 6 tysiač vypadkaŭ zachvorvańniaŭ. Adnak farmiravańnie čarhovaha epidpadjomu tak i nie adbyłosia.
Vyvučeńnie stanu imunitetu minčan da virusaŭ hrypu pakazała, što bolšać žycharoŭ stalicy majuć achoŭnyja citry da siezonnych virusaŭ hrypu. Tak, 57,5 pracenta abśledavanych majuć achoŭny imunitet da virusaŭ hrypu A/H3N2; 35,9 pracenta — da virusa hrypu A/N1N1; 26,3 pracenta — da virusa hrypu V i 19,4 pracenta — da pandemičnaha virusa hrypu.
Pa mierkavańni śpiecyjalistaŭ, u vypadku epidemičnaha raspaŭsiudžvańnia novaha varyjanta virusa hrypu A sustrecca ź im na praciahu epidemičnaha siezona ryzykujuć kala 20 pracentaŭ minčan. Miž inšym, sanepidsłužba stalicy ŭžo raspačała padrychtoŭku da praviadzieńnia kampanii pa supraćhrypoznaj vakcynaprafiłaktycy na budučy epidsiezon. Usiaho płanujecca achapić supraćhrypoznymi pryščepkami da 20 pracentaŭ minčan, u suviazi z čym kiraŭnikam pradpryjemstvaŭ, ustanoŭ i arhanizacyj stalicy prapanujecca zapłanavać vydzialeńnie finansavych srodkaŭ dla zakupki supraćhrypoznych vakcyn i arhanizacyi imunizacyi pracoŭnaha kalektyvu.
