fota - svaboda.org
Tolki u Hrodnie vialikim śviatam skončyłasia 3-aja nacyjanalnaja dyktoŭka, jak jaje stvaralnik Uładzimir Padhoł dumaje pra estafietu dyktovak. Hutarka viadziecca pra praviadzieńnie dyktoŭki z nahody ŭtvareńnia Jeŭrasajuza. Pieramovy ab joj viaducca pamiž hramadskimi i dziaržaŭnymi arhanizacyjami. Pavodle Padhoła, da ŭdziełu ŭ budučaj dyktoŭcy zaprošanyja hramadskija asoby, pradstaŭniki ambasadaŭ, kiraŭniki niedziaržaŭnych i aficyjnych ŚMI, a taksama šarahovyja hramadzianie.
«Heta naš šlach zaśviedčyć, što my lubim biełaruskuju movu, što jana nie horšaja za astatnija jeŭrapiejskija, — kaža Ŭładzimir Padhoł. — Na maju dumku ŭ hetym vypadku nikoha nie varta hanić praź jahonuju palityčnuju pazicyju, i tamu chaču zaprasić da napisańnia ŭsich».
Vierahodnaja data praviadzieńnia «jeŭrasajuzaŭskaj» dyktoŭki 9 traŭnia — u Dzień Jeŭropy, na jaki nakładajecca taksama Dzień Pieramohi.
Ideja nacyjanalnaj dyktoŭki, što naradziłasia pad upłyvam padobnych akcyjaŭ u Polščy i Litvie, uvasobiłasia ŭ 2007 hodzie, kali adnačasova ŭ niekalkich haradach Biełarusi hramadskija aktyvisty i prosta nieabyjakavyja da biełaruščyny ludzi napisali dyktoŭku z nahody 90-hodździe BNR.
Ź ciaham času publičnyja dyktoŭki nabyli masavaść (a sioleta jany adbylisia ŭ Hrodnie, Viciebsku, Mahilovie, Prazie, Maskvie dy inšych haradach) i navat prydbali svaje zaviadzionki. Naprykład, ciapier akramia ŭłasnaj dyktoŭki ŭdzielniki akcyi pišuć pa skazie ŭ ahulny arkuš, hetak robiačy simvaličny zbor podpisaŭ u padtrymku biełaruskaj movy.
Sioleta nacyjanalnaja dyktoŭka była pryśviečanaja baćku-zasnavalniku biełaruskaj nacyi Francišku Bahuševiču, jakomu sioleta spoŭniłasia 170 hadoŭ. Ahulnabiełaruskaja akcyja skončyłasia finalnym akordam u Horadni, dzie ŭračystuju dyktoŭku, nahavoranuju Andrejem Chadanovičam, pisała bolš za 200 čałaviek.
