Krychu praterminavanaja spravazdača z kulturnaha žyćcia.
14 sakavika hurt Kusudama reprezientavaŭ našuju krainu na mižnarodnym feście «Alončyny mroi» ŭ Maskvie, što prachodziŭ ciaham 2-ch dzion — 13 i 14 sakavika — na placoŭcy kłuba Plan B.
Niahledziačy na toje, što vystupać daviałosia pieršymi, muzyki zdoleli adrazu ž zavieści zału. Padvojenaja ekspresija muzyki i jaje padačy imhnienna pryviali ŭ dziejańnie miechanizm vybuchovaha muzyčna-tancavalnaha prystasavańnia. Udziačnaja publika łaviła kožny ruch muzyki, sprabujučy pračytać nastupny vitok jaje raźvićcia. Mienavita tak, bo kampazicyi hurta vielmi nasyčanyja i stylistyčna raznastajnyja. Zdajecca, jany sabranyja z asobnych kavałačkaŭ, adnak uvieś cymus jakraz u smačnaści strukturna składanaha miksu. Kali hetki kaktejl pryhatavać miechanična, dyk adpaviedny efiekt zastaniecca niedasiažnym, a mienavita jon i źjaŭlajecca asnoŭnym pakaźnikam jakaści i vartaści muzyčnaha praduktu, što ŭ poŭnaj miery zmahli acanić usie prysutnyja na mierapryjemstvie.
Nastupnym punktam na mapie vandravańniaŭ muzykaŭ źjaŭlajecca Kijeŭ, dzie Kusudama vystupiać u miežach Dzion pravilnaj biełaruskaj muzyki 25 sakavika razam z «Sieriebrianoj svad́boj».