Ukrainski palicejski pad Vaŭčanskam 11 maja 2024 hoda. Fota: Evgeniy Maloletka / AP
«Ciapier va Ukrainie składanaja situacyja na poli boju. Ale pa ŭsich danych, vy viedajecie, što ŭkraincy praciahvajuć prymać miery dla abarony svajoj terytoryi. I my zrobim usio mahčymaje, kab dać im krytyčna važnaje ŭzbrajeńnie i charčy, u jakich jany majuć patrebu».
Pradstaŭnik padkreśliŭ, što ciapier amierykanski bok pracuje nad tym, kab paskoryć akazańnie dapamohi Ukrainie.
Na pytańnie, što mahło stać pryčynaj abvastreńnia situacyi, Rajder skazaŭ, što heta była sukupnaść roznych faktaraŭ, siarod jakich i zatrymka z uchvałaj dapamohi z boku ZŠA.
«Zrazumieła, što jość inšyja partniory pa ŭsim śviecie, jakija akazvajuć dapamohu Ukrainie. Ale rasiejcy skarystalisia situacyjaj na poli boju i sprabujuć prasunucca napierad. Jakimi b niaznačnymi ni byli hetyja prasoŭvańnia, heta, biezumoŭna, vyklikaje niepakoj», — padsumavaŭ pradstaŭnik Pientahona.
Učora viečaram paviedamlałasia, što ŭkrainskija padraździaleńni adyšli ad Vaŭčanska ŭ Charkaŭskaj vobłaści, dzie zaraz razhortvajucca asnoŭnyja padziei, na «bolš vyhadnyja pazicyi».
Čytajcie taksama:
U Charkavie snarad trapiŭ u šmatpaviarchovy žyły dom. Dziasiatki paciarpiełych
Rasijskija vajskoŭcy na ŭschodzie Ukrainy vykarystoŭvajuć novy simvał. Što jon moža aznačać?
