Ilustracyjnaje fota «Naša Niva»
U Breście miedrabotnik pracavaŭ adrazu ŭ siami biudžetnych ustanovach. Jon pracavaŭ na ŭmovach źniešniaha sumiaščalnictva, zarobak atrymlivaŭ ź dziaržbiudžetu.
Pracavitaha miedyka znajšła prakuratura ŭ ramkach pravierki faktaŭ nieefiektyŭnaha raschodavańnia dziaržsrodkaŭ. Miedyk pracavaŭ u siami ŭstanovach, pryčym pracoŭny čas zvyčajna supadaŭ častkova abo całkam. Pry hetym praca pa hrafikach nie vykonvałasia, ale zarpłata vypłačvałasia spraŭna kožnym z najmalnikaŭ.
U niekatoryja sutki miedyk napracoŭvaŭ pa 45 hadzin. Pavodle padlikaŭ prakuratury, za 2022—2023 hady miedrabotnik atrymaŭ ź biudžetu apłatu za 589 hadzin, adnak faktyčna pracu nie vykanaŭ.
Škodu prakuratura acaniła ŭ 3530 rubloŭ, srodki daviałosia kampiensavać. Akramia taho, piać słužbovych asob byli pryciahnutyja da adkaznaści.