Hałoŭčanka padčas vizitu ŭ Jehipiet. Fota: BiełTA
Hałoŭčanka naviedaŭ Jehipiet 29-30 krasavika. Macukievič u svaim telehram-kanale zaŭvažaje: hety vizit aficyjny, tamu praduhledžvaje maksimum pratakolnych farmalnaściej i haścinnaści.
«Nabor znakaŭ uvahi vyznačajecca dziaržavaj, jakaja prymaje hościa, z raźlikam na ŭzajemnaść. Z taho, što trapiła ŭ kadr u jehipieckim vypadku — dyvanovaja darožka la trapa premjerskaha samalota, hanarovaja varta, arkiestr, vykanańnie himnaŭ i premjer-ministr Jehipta, jaki ŭłasnaj piersonaj prybyŭ u aeraport dla cyrymonii sustrečy kalehi ź Biełarusi».
Hałoŭčanka prylacieŭ na Embrajery «Biełavija». Fota: BiełTA
Šlach ź Minska da Kaira z ulikam nieabchodnaści ablotu zajmaje 6-7 hadzin leta.
Embrajer «Biełavija», jaki dastaŭlaŭ kiraŭnika ŭrada, nie moža prarabić taki šlach biez dazapraŭki, a ŭradavyja Boinhi 737 i 767, jakimi karystajecca Łukašenka i jakim takija pieraloty pa siłach, Hałoŭčanku niedastupnyja — «nie toj taryfny płan», tłumačyć Macukievič. Jość jašče biznes-džiet «Bambardźje», jaki časam transpartuje premjera, ale nie ŭ hety raz. Mahčyma, z-za daŭžyni śpisu supravadžalnych asob, nie sumiaščalnaj z sałonam džeta.
«Tamu standartny pasažyrski Embrajer i vymušanaja pasadka ŭ Sočy dla dazapraŭki. Pry čym pa šlachu ŭ Kair Hałoŭčanka skarystaŭsia dazapraŭkaj dla sustrečy z meram Sočy, a voś jak Raman Alaksandravič prabaviŭ čas na zvarotnym šlachu, pakul baki samalota zapaŭnialisia hazaj, zastałosia zahadkaj», — piša były dypłamat.
Hałoŭčanku sustrakaje arkiestr. Fota: BiełTA
Dastaviŭšy Hałoŭčanku ŭ Minsk samalot viarnuŭsia da svajoj rejsavaj prahramy: kali vieryć fłajtradaru, «Embrajer» adpraviŭsia sa zvyčajnymi pasažyrami ŭ Sankt-Pieciarburh.
«Voś jak blizki premjer u Biełarusi da naroda i jak daloki jaho načalnik», — dadaje Macukievič nie biez doli ironii.
Čytajcie taksama:
