U aŭtorak litoŭskija parłamientaryi pačali razhladać prapanovu abmiežavać kolkaść pajezdak na radzimu biełarusaŭ Litvy. Prajekt praduhledžvaje, što hramadzianie Biełarusi, jakija majuć vid na žycharstva ŭ Litvie, mohuć viartacca ŭ Biełaruś nie čaściej, čym raz na try miesiacy.
Adnak bolšaść parłamientaryjaŭ takuju prapanovu nie padtrymała.
Za pazbaŭleńnie časovaha vidu na žycharstva ŭ Litvie tych biełarusaŭ, jakija vyjazdžajuć u Biełaruś čaściej za adzin raz na hod, prahałasavali 20 členaŭ Siejma, suprać byli 47, ustrymalisia 45 deputataŭ.
Za prapanovu dazvolić adnu pajezdku na try miesiacy vykazaŭsia 41 člen Siejma, suprać — 37, ustrymalisia 39 deputataŭ Siejma.
Z prapanovaju dazvolić biełarusam ź litoŭskim dazvołam na žycharstva jeździć na radzimu nie čaściej za adzin raz na try miesiacy vystupiŭ Kamitet pa nacbiaśpiecy Siejma Litvy.
Čytajcie taksama:
Litva ŭzmocnić miažu ź Biełaruśsiu ciažkimi kulamiotami i supraćtankavymi vožykami
Litva nie źbirajecca zakryvać jašče adzin punkt propusku na miažy ź Biełaruśsiu
