Biełaruskaja delehacyja ŭ Pchieńjanie. Fota: yonhap.news
Jak paviedamiła Centralnaje telehrafnaje ahienctva Karei, 18 krasavika ŭ stalicy KNDR adbylisia pieramovy pamiž namieśnikam ministra zamiežnych spraŭ krainy Im Čchon Ilem i namieśnikam kiraŭnika MZS Biełarusi Jaŭhienam Šastakovym, jaki 16 krasavika niečakana prybyŭ u Paŭnočnuju Kareju.
U chodzie pierahavoraŭ baki damovilisia ŭmacoŭvać kantakty, u tym liku na vyšejšym uzroŭni, «u adpaviednaści z patrebami źmienlivaha času», a taksama aktyŭna prasoŭvać supracoŭnictva ŭ ekanamičnaj i kulturnaj śfierach.
Biełaruś i KNDR taksama majuć namier uzmacniać uzajemnuju padtrymku na mižnarodnaj arenie dla dalejšaha pašyreńnia i raźvićcia «tradycyjnych družalubnych adnosin i supracoŭnictva pamiž dźviuma krainami», piša CTAK.
Adznačajecca, što baki abmianialisia dumkami pa rehijanalnych i mižnarodnych pytańniach, jakija majuć uzajemnuju cikavaść.
Namieśnik ministra zamiežnych spraŭ Biełarusi Jaŭhien Šastakoŭ i asoby, što jaho supravadžajuć, prybyli ŭ Pchieńjan 16 krasavika. Biełaruskija miedyja, a taksama MZS vizit nie anansavali, mety vizitu Šastakova nie raskryvali.
Čytajcie taksama:
Viciebski vykładčyk dakazaŭ «słušnaść» idej Kim Ir Sena, jaho ŭznaharodzili ŭ KNDR
Kim Čen Yn zaklikaŭ «jak nikoli» rychtavacca da vajny i vyvučyŭ makiet Sieuła
