Na fasadzie HZC Prizma kala stancyi mietro «Partyzanskaja» ŭstalavali 3D-ekran. Na im buduć pakazvać roliki z efiektam pahružeńnia. Minakam budzie zdavacca, što prama na ich biažyć biehiemot abo ruchajecca vializnaja chvala. Deviełapier «Sihmapolus» zapuścić hihancki dysplej 21 sakavika na adnu hadzinu — z 19 da 20 hadzin, piša Onliner.
Dysplej zjaŭlajecca adnym z samych bujnych u krainie i dasiahaje 9,6 mietra ŭ vyšyniu, 24 — u daŭžyniu. Jaho razroźnieńnie składaje 1600 na 960 piksielaŭ z krokam piksiela ŭ 10 mm. Na ekranie zmohuć pakazvać sučasnyja 3D-roliki, źniatyja pa apošnich technałohijach.
Trochmiernyja videa płanujuć krucić z ranicy da poźniaha viečara — z 7 da 23 hadzin. Jak i naležyć vuličnym ekranam, usie pakazy projduć u biazhučnym režymie.
Kompleks Prizma płanujecca adkryć u najbližejšyja paŭhoda. U jaho ŭvojduć handlovaja halereja, samy vialiki dziciačy park Prizma Park i trochzałavy kinateatr Prizma Cinema, ofisny budynak na 10 pavierchaŭ, miedycynski centr i parkinh na 700 miescaŭ.
Čytajcie taksama:
Navukoŭcam atrymałasia «vyrazać» DNK VIČ z zaražanych kletak
Kitaj płanuje pabudavać hihanckuju elektramahnitnuju harmatu dla zapusku astranaŭtaŭ u kosmas
Navukoŭcy płanujuć źmiaščać u vočy soniečnyja batarei
Aŭstralijski miljarder pabuduje kopiju «Tytanika», jakaja pojdzie tym ža maršrutam