Pazaštatny fotakarespandent radyjo «Svaboda» Uładź Hrydzin atrymaŭ adkaz na svaje skarhi, nakiravanyja ŭ Pieršamajski RUUS i Pieršamajski adździeł Departamienta achovy MUS.
Hrydzina zatrymali 29 kastryčnika, kali jon źbiraŭsia fatahrafavać bieł‑čyrvona‑biełyja ściahi, jakija aktyvisty «Jeŭrapiejskaj Biełarusi» vyviesili na praśpiekcie Niezaležnaści ŭ Minsku.Pa słovach žurnalista, padčas zatrymańnia jaho bili pa hałavie i pahražali fizičnaj raspravaj. U pastarunku biez składańnia pratakołu ŭ jaho zabrali fotaaparat, uziali adbitki palcaŭ i zrabili fota i videa. Praź niekalki hadzinaŭ, addaŭšy techniku, adpuścili. U adkaz na hetyja dziejańni žurnalist skłaŭ skarhi ŭ Pieršamajski RUUS i Departamient achovy MUS.
U adkazie, jaki Hrydzin atrymaŭ ź Pieršamajskaha RUUS, havorycca, što ŭčastkovym A. Pankratovičam nasamreč «byŭ parušany paradak praviadzieńnia dziaržaŭnaj daktyłaskapičnaj rehistracyi», a taksama instrukcyja ab viadzieńni kryminalistyčnaha ŭliku. Tam taksama havorycca, što za hetyja parušeńni ŭkazany supracoŭnik papiaredžany, a fota i videa Hrydzina skasavanyja z uliku ź videateki ŭstanovy.
Hrydzin taksama atrymaŭ adkaz ź Pieršamajskaha adździeła Departamienta achovy MUS. Ale tam havorycca, što supracoŭniki hetaj ustanovy A. Dziaškievič i U. Hrynievič dziejničali «pravamierna, u adpaviednaści ź dziejnym zakanadaŭstvam Respubliki Biełaruś».
0
0
0
0
0
0