Pravierka čałavieka na «chatniaj chimii» ŭ jaho doma. Fota: sajt MUS
Pa našaj infarmacyi, sačeńnie za «chatnimi chimikami» praz kamiery videanazirańnia adbyvajecca prykładna ciaham hoda. U niekatorych vypadkach — z kanca 2023 hoda. Ludziam padčas adznak u milicyi pakazvajuć fota z kamier nazirańnia, kali jany byli «nie ŭ tym miescy».
U asudžanych na chatniaj chimii strohi raskład, kali jany musiać być doma ci na pracy, ad jaho nielha adchilacca. Inakš možna atrymać spahnieńnie.
Pryčynaj, naprykład, moža stać vizit na zapraŭku ci ŭ cyrulniu ŭ niedazvoleny čas. Abo pachod u supiermarkiet, dzie pradajuć ałkahol na fudkortach, abo niejkaje kafe, bo farmalna im zabaroniena byvać u miescach, dzie raźlivajuć ałkahol.
Spahnańniem moža stać bujny štraf abo administracyjny aryšt, a paśla niekalkich parušeńniaŭ pahražaje ŭzmacnieńnie režymu.
Viadomy vypadki, kali «chatnija chimiki» traplali na sutki za takija parušeńni.
Hetyja ž źviestki paćviardžaje i pravaabarončy centr «Viasna». Pravaabaroncy atrymali śviedčańnie byłoha palitviaźnia, jaki niadaŭna adsiadzieŭ sutki i patrapiŭ u kamieru, dzie było šmat tych, chto siadzieŭ akurat za takija parušeńni. Adzin ź ich zajšoŭ u kramu «Hryn», dzie byŭ fudkort.
U Minsku ciapier padklučanyja da sistemy raspaznavańnia tvaraŭ da niekalkich tysiač kamier — na krasavik 2023-ha ich było bolej za tysiaču, ale kolkaść płanavali pavialičyć utraja da vybaraŭ, jakija adbuducca 25 lutaha. Kamiery ŭstalavanyja ŭ kafe, restaranach, na zapraŭkach, u vialikich kramach dy publičnych miescach u centry horadu.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Raspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ
U Minsku pierad vybarami nastaviać jašče bolš kamier videanazirańnia
Maršrutki i taksi pastaviać pad poŭny kantrol siłavikoŭ. Pasažyraŭ buduć zapisvać na videa
