Fota: Sotavision
Jaje abvinavačvajuć u publičnych zaklikach da ažyćciaŭleńnia dziejnaści, nakiravanaj suprać biaśpieki dziaržavy. Pa hetym artykule moža pahražać da 6 hadoŭ pazbaŭleńnia voli, piša «Miedyjazona».
Paśla poŭnamaštabnaha ŭvarvańnia rasijskich vojskaŭ va Ukrainu Hiejśler zasnavała vałanciorskuju arhanizacyju «Armija krasuń», jakaja dapamahała ŭkrainskim uciekačam. U mai 2023 hoda jana źjechała z Rasii z-za pahrozy kryminalnaha pieraśledu.
Jak jana znoŭ akazałasia ŭ Biełharadzie — nieviadoma. Vydańnie «Piepieł» miarkuje, što jana mahła pryjechać, kab dapamahčy viarnuć va Ukrainu sabak, vyviezienych z hadavalnika va ŭkrainskim Mielitopali, jaki znachodzicca pad kantrolem Rasii.
Nadzieja Rasinskaja (Nadzin Hiejśler). Fota: Miedyjazona
Pa viersii śledstva, u žniŭni 2023 Hiejśler apublikavała ŭ instahramie infarmacyju ab zbory humanitarnaj dapamohi dla USU. Sama jana pry hetym admaŭlaje, što akaŭnt, dzie była raźmieščana abjava, naležyć joj.
Napiaredadni paviedamlałasia taksama pra zatrymańnie siastry Hiejśler, aktyvistki Aleny Jahoravaj. U piatnicu stała viadoma, što zatrymany byli taksama jaje maci i brat. Usich ich paśla adpuścili, pakinuŭšy ŭ statusie śviedak, paviedamlaje Rasijskaja słužba Radyjo Svaboda.
