«Za pieryjad z 1 pa 9 studzienia 2024 hoda pastaŭlena 11,7 miljona štuk kurynych charčovych jajek. U paraŭnańni z anałahičnym pieryjadam 2023 hoda adznačajecca pavieličeńnie amal udvaja», — paviedamili va ŭstanovie.
Tam taksama adznačyli, što Biełaruś stabilna pastaŭlaje charčovyja jajki ŭ Rasieju: siaredniehadavy abjom składaje bolš za 630 miljonaŭ štuk. U 2023 hodzie ŭ Rasiju było ŭvieziena bolš za 510,8 miljona biełaruskich kurynych jajek.
Naprykancy minułaha hoda stała viadoma, što ŭ Rasii skłałasia situacyja z vostrym deficytam na rynku kurynych jajek. Heta na svajoj pres-kanfierencyi 14 śniežnia pryznaŭ navat rasijski prezident Uładzimir Pucin. Biełaruskija ŭłady abiacali z zabieśpiačeńniem rasijskaha rynku jajkami dapamahčy biez strataŭ dla ŭnutranych patreb. Pavodle słoŭ ministra sielskaj haspadarki Siarhieja Bartaša, u Biełarusi za miesiac vyrablajecca jajek na 50% bolš, čym spažyvaje nasielnictva.
Čytajcie taksama:
Pradukty, jakija ŭ Biełarusi kaštujuć tańniej, čym u susiednich krainach ES
Pucin prosić jajki. Kolki jany kaštujuć u Biełarusi i susiednich krainach
