Skrynšot videa kanała «Rasija 24»
Pavodle infarmacyi krynicy th-kanała VČK-OHPU, Alena Markava pamierła 1 listapada.
Padstavaj dla jaje zatrymańnia stała arhanizacyja akcyi na Dzień Pieramohi, padčas jakoj płanavałasia zapuścić mnostva pavietranych šaroŭ. Pavodle viersii palicyi, udzielniki akcyi źbiralisia prymacavać da šaroŭ falhu, što ŭskładniła b pracu sistem SPA ŭ Maskvie. Śćviardžałasia, što inicyjatarami akcyi była inicyjatyva «Artpadrychtoŭka».
Pavodle źviestak siłavikoŭ, akcyja «Niabiesny połk» z masavym zapuskam pavietranych šarykaŭ, da jakich pryviazali pałoski falhi, pavinna była adbycca 9 maja. Dla hetaj mety ŭdzielniki «Artpadrychtoŭki» razasłali ŭ maskoŭskija adukacyjnyja ŭstanovy fejkavyja listy ad administracyi horada z patrabavańniem pryciahnuć da ŭdziełu školnikaŭ.
Palicyja praviała sieryju pieratrusaŭ u niekalkich rehijonach, pa vynikach jakich byli zatrymanyja piać čałaviek. Na adnym ź videazapisaŭ možna zaŭvažyć piensijanierku, pišuć «Novyja iźviestija».
