Źleva naprava siadziać: kiraŭnik Administracyi Łukašenki Ihar Sierhiejenka, pres-sakratarka Natalla Ejsmant, Mikałaj Łukašenka, Alaksandr Łukašenka, Uładlena Zajcava. Skrynšot z telehram-kanała «Puł pieršaha»
Na śviacie ŭ Aleksandryi 8 lipienia kala Łukašenki siadzieła finalistka «Mis Biełaruś — 2021» Uładlena Zajcava. Admietna, što ŭ hety ž hod na konkursie stała finalistkaj dziaŭčyna, ź jakoj palityka bačać apošnim časam najčaściej, — Nastaśsia Kazyryckaja.
Upieršyniu Zajcavu i Łukašenku pabačyli razam na Respublikanskim bali dla moładzi ŭ śniežni 2021-ha, mienavita Zajcava tancavała z Łukašenkam. Nastupny ich sumiesny vychad adbyŭsia praz paŭtara hoda na bali vypusknikoŭ, jaki prajšoŭ sioleta na płoščy la Pałaca sportu (tam ža pa druhuju ruku ad Łukašenki stajała Kazyryckaja).
Uładlena Zajcava i Alaksandr Łukašenka na bali vypusknikoŭ u 2023-m. Skrynšot siužeta kanała ANT
Uładlenie Zajcavaj 25 hadoŭ. Rodam jana z Mahilova. Skončyła mahistraturu Mahiloŭskaha dziaržaŭnaha ŭniviersiteta imia Arkadzia Kulašova i pajšła pracavać na mytniu. Jana sama niekali vystupała pierad Łukašenkam u Aleksandryi razam z tvorčym kalektyvam. Raniej dziaŭčyna davoli šmat udzielničała ŭ konkursach pryhažości, a jaje nastaŭnica — Taćciana Pałazkova, kiraŭnica Nagorny Podium School. Dzie ciapier pracuje dziaŭčyna — nieviadoma.
Uładlena Zajcava padčas pracy na mytni. Fota: instahram Mahiloŭskaj mytni
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Palina Šuba viartajecca ŭ abojmu
Žančyny ŭ atačeńni Łukašenki: čamu i što jon im daviaraje. Vialikaja hutarka z Almiraj Usmanavaj
