U svaim błohu na naviny.by kiraŭnik łukašenkaŭskaha telebačańnia ŭskosna pryznaje, što «nieabvieščanaja vybarčaja kampanija» ŭžo raspačałasia.Dla jaje «tuziemnyja i zajezžyja palittechnołahi prapanujuć Kiraŭniku [u tekście ź vialikaj litary - Red.] dziaržavy raskłaści paśjans, adzin z varyjantaŭ jakoha nazyvajecca «Niepapularny ŭrad».
Zimoŭski prahnazuje narastańnie finansavych ciažkaściaŭ: «Insajdery biudžetnaha pracesu viedajuć, što pieryjad žastačajšaj ekanomii i zaciahvańnia pasaŭ jašče napieradzie.Hramadzianie, što vychoŭvajucca ŭ duchu sacyjalnaha aptymizmu, ni aščadžać, ni zaciahvać pasy nie zvykli. A pryjdziecca».
Biez ułaścivaj dla svaich błohavych zapisaŭ tumannaści, ale z zaŭvažnym cynizmam
Zimoŭski kanstatuje, što «ŭradu śled padbać pra aniestetyki j halucynahiennyja rečyvy ŭ vyhladzie svabody handlu i admovy ad baraćby z pjanstvam».
Dalejšyja varyjanty raźvićcia pieradvybarnaj situacyi ardynarnyja:
«A.R.Łukašenka moža, viadoma, prahnać łajalnaha technakrata S.S.Sidorskaha i jurydyčna zamacavać za saboj premjerskija paŭnamoctvy pro tempore. Jašče spatrebicca samaaddany rynačnik a la Ja.Č.Ramančuk u ranhu vice-premjera, jakoha pryznačać pavodle pryncypu «chłopiec-ćvik, sam u ścienku lezie». I zastaniecca vykanać usie umovy našych novych siabroŭ z MVF».
Ahulny ton dopisu, adnak, stvaraje ŭražańnie, što Łukašenka pasłuchaje takich palittechnołahaŭ i zrobić naadvarot.
0
0
0
0
0
0
