Marfa Rabkova. Fota z sacyjalnych sietak
Uviečary 25 vieraśnia pravabaroncy «Viasny» Marfie Rabkovaj było vystaŭlena abvinavačvańnie, mahčyma, pa č. 3 art. 293 Kryminalnaha kodeksa — Navučańnie ci inšaja padrychtoŭka asob dla ŭdziełu ŭ masavych biesparadkach, albo finansavańnie takoj dziejnaści. Jana zastajecca pa vartaj u SIZA №1 h. Minska.
Z advakata Marfy Rabkovaj uziata padpiska ab nierazhałošvańni materyjałaŭ spravy.
Nahadajem, kaardynatarka Vałanciorskaj słužby «Viasny» Marfa Rabkova była zatrymanaja razam z mužam Vadzimam Žaromskim viečaram 17 vieraśnia i dastaŭlenaja ŭ HUBAZiK. Paźniej u ich kvatery adbyŭsia pieratrus, padčas jakoha była kanfiskavanaja kampjutarnaja technika, telefony, hrošy.
Dniom 18 vieraśnia stała viadoma, što Marfa znachodzicca ŭ izalatary časovaha ŭtrymańnia na vuł. Akreścina, paźniej jaje pieraviali ŭ SIZA-1 pa vuł. Vaładarskaha ŭ Minsku.
Absiervatoryja pa abaronie pravaabaroncaŭ, Front Line Defenders, Amnesty International i biełaruskija pravaabarončyja arhanizacyi vystupili ŭ padtrymku Marfy Rabkovaj i z patrabavańniem da ŭładaŭ ab nieadkładnym jaje vyzvaleńni. Jaje pryznali palitźniavolenaj i viaźniem sumleńnia.
