Alaksandr Łukašenka papiaredziŭ, što studentam, jakija navučajucca ŭ Polščy, pryjdziecca paćviardžać dypłomy ŭ Biełarusi. Pra heta jon zajaviŭ na sustrečy z hubiernataram Irkuckaj vobłaści Iharam Kobzievym.
U svaju čarhu pradstaŭnik Ministerstva navuki i vyšejšaj adukacyi Polščy zajaviŭ RIA «Novosti», što Respublika hatovaja pakinuć u siabie vypusknikoŭ ź Biełarusi, kali jany sutyknucca ź ciažkaściami pry paćvierdžańni svaich dypłomaŭ na radzimie, piša Tut.by.
«My sa ździŭleńniem tolki što pračytali zajavu spadara Łukašenki. Jon, mabyć, nie viedaje, što polskija ŭniviersitety dajuć svaim vypusknikam vielmi jakasnuju adukacyju, jakaja kacirujecca va ŭsim śviecie», — zajaviŭ pradstaŭnik Ministerstva navuki i vyšejšaj adukacyi Polščy.
«Paćviardžeńniem jakaści našaj adukacyi źjaŭlajecca toj fakt, što dypłomy polskich VNU pryznajucca ŭ krainach Jeŭrapiejskaha Sajuza, u ZŠA. Pryčym havorka idzie ab takich składanych śpiecyjalnaściach, jak miedycyna, ekanomika, infarmatyka», — adznačyŭ surazmoŭca ahienctva.
Pradstaŭnik Ministerstva navuki taksama ličyć, što kali słovy Łukašenki zdabuduć zakanadaŭčuju siłu, to biełaruskija vypuskniki polskich VNU nie zachočuć viartacca na radzimu i Polšča ad hetaha tolki vyjhraje.
«My z zadavalnieńniem ich tut pakiniem. My ad hetaha tolki vyjhrajem, atrymaŭšy adukavanych śpiecyjalistaŭ. Niekalki hadoŭ pravučyŭšysia ŭ našaj krainie, jany ŭžo vielmi dobra vałodajuć movaj, intehravalisia ŭ hramadstva, bolšaść ź ich pačynajuć pracavać jašče ŭ studenctvie», — skazaŭ jon.
