Fota ź Instahrama
Rasijski palityk Alaksiej Navalny da zaviaršeńnia kursa reabilitacyi zastaniecca ŭ Niamieččynie. Vyzdaraŭleńnie moža zaniać niekalki tydniaŭ, paviedamiła ŭ čaćvier jaho pres-sakratarka Kira Jarmyš.
«Ciapier, naturalna, praces adnaŭleńnia Alaksieja zojmie jašče šmat času. Jon zastajecca pakul u Niamieččynie prachodzić reabilitacyju, heta vidavočna pytańnie nie pary dzion i, napeŭna, navat nie tydniaŭ», — skazała Jarmyš.
Nahadajem, što 20 žniŭnia Navalnamu stała drenna ŭ samalocie Tomsk — Maskva. Samalot ździejśniŭ ekstrannuju pasadku ŭ Omsku, a apazicyjanier byŭ špitalizavany ŭ komie ŭ reanimacyju miascovaj balnicy. Praz dva dni jaho pieravieźli ŭ Bierlin u kliniku «Šaryte». Paźniej stała viadoma, što Navalny, chutčej za ŭsio, atručany jadam z hrupy «Navičok».
