U Biełarusi raźličvajuć vypuścić pieršuju partyju elektramabilaŭ u 2021 hodzie, paviedamiŭ siońnia žurnalistam pieršy namieśnik ministra pramysłovaści Siarhiej Huńko, piša BIEŁTA.
«Dla arhanizacyi vytvorčaści elektramabilaŭ, luboj vytvorčaści, nieabchodnaja dosyć surjoznaja padrychtoŭka, finansavyja resursy, akupnaść.
My nie bačym pakul takoj ekanamičnaj efiektyŭnaści. Adnak navat z ulikam hetaha pastavili zadaču ŭ nastupnym hodzie arhanizavać vytvorčaść ad 500 da 1000 štuk», — skazaŭ Siarhiej Huńko.
Pavodle jaho słoŭ, jość šmat techničnych zadač i prablem, źviazanych z prahramnym zabieśpiačeńniem, najaŭnaściu dastatkovaj zaradnaj infrastruktury. Prablemaj źjaŭlajecca i padzieńnie zaradu akumulataraŭ pry panižeńni tempieratury ŭ zimovy siezon.
