Pravaabaroncam viadomyja 259 proźviščaŭ zatrymanych 23 vieraśnia padčas pratestaŭ u Minsku i inšych haradach krainy. Śpis možna pabačyć tut.
Uviečary 23 vieraśnia ŭ roznych haradach Biełarusi ludzi vyjšli na akcyi pratestu suprać inaŭhuracyi Alaksandra Łukašenki.
Usiaho ŭ Biełarusi za čas prezidenckaj kampanii i pratestaŭ suprać falsifikacyi vybaraŭ zatrymali kala 12 600 čałaviek, što składaje 0,13% ad nasielnictva krainy.
My atrymali hetuju ličbu, splusavaŭšy źviestki Ministerstva ŭnutranych spraŭ za asobnyja dni.
Pikam zatrymańniaŭ stali 9-12 žniŭnia, kali, zhodna sa źviestkami MUS, zatrymali «bolš za» 6700 čałaviek (dakładnych ličbaŭ za tyja dni MUS nie pradastaviŭ).
Zatrymanych u Biełarusi za hetaje leta bolš, čym było internavana ŭ Polščy časoŭ «Salidarnaści». Tam za pieryjad vajennaha stanovišča byli internavanyja 10 123 čałavieki.
