Z ulikam zatrymańnia 442 čałaviek na demanstracyjach 20 vieraśnia i 22 čałaviek na «Biełaruśkalii» ŭ Salihorsku 21 vieraśnia, usiaho ŭ Biełarusi za čas prezidenckaj kampanii i pratestaŭ suprać falsifikacyi vybaraŭ zatrymali kala 12 300 čałaviek, što składaje 0,13% ad nasielnictva krainy.
My atrymali hetuju ličbu, splusavaŭšy źviestki Ministerstva ŭnutranych spraŭ za asobnyja dni.
Pikam zatrymańniaŭ stali 9-12 žniŭnia, kali, zhodna sa źviestkami MUS, zatrymali «bolš za» 6700 čałaviek (dakładnych ličbaŭ za tyja dni MUS nie pradastaviŭ).
Zatrymanych u Biełarusi za hetaje leta bolš, čym było internavana ŭ Polščy časoŭ «Salidarnaści» (1980-ja). Tam za pieryjad vajennaha stanovišča byli internavanyja 10 123 čałavieki.
Kab ludzi ŭ inšych krainach mahli ŭjavić sabie maštaby palicejskich apieracyj u Biełarusi, u prajekcyi na kolkaść nasielnictva, dadzienaja kolkaść zatrymańniaŭ adpaviadaje prykładna 190 000 u praporcyi da nasielnictva Rasii, 55 000 — dla Polščy ci Ukrainy.
