Prezident Rasii Uładzimir Pucin kanstatavaŭ, što ŭpieršyniu ŭ najnoŭšaj historyi RF vałodaje samaj daskanałaj zbrojaj, zdolnaj abaranić krainu ad lubych źniešnich zamachaŭ, piša TASS.
«Na praciahu dziesiacihodździaŭ nam pastajanna davodziłasia być u roli tych, chto dahaniaje, heta tyčyłasia atamnaj, jadziernaj zbroi, zatym dalokaj stratehičnaj avijacyi, a potym i rakietnaj mižkantynientalnaj techniki, heta značyć taho, što śpiecyjalisty nazyvajuć srodkami dastaŭki», — adznačyŭ Pucin.
Pavodle jaho acenki, «heta zaŭsiody staviła krainu ŭ vielmi składanaje i navat niebiaśpiečnaje stanovišča». «Pa sutnaści, byli momanty, kali nam pahražali, a adkazvać nam nie było čym, i pa fakcie heta było vidavočnym, niebiaśpiečnym parušeńniem stratehičnaha bałansu», — pryznaŭ prezident. «Voś ciapier, upieršyniu ŭ našaj najnoŭšaj historyi, Rasija maje samyja sučasnyja vidy zbroi… takoj zbroi niama ni ŭ kaho ŭ śviecie, va ŭsiakim vypadku, pakul niama», — padkreśliŭ Pucin.
