Na hetym tydni biełaruskaje pradstaŭnictva ŭ jeŭrakubkach skaraciłasia da adnoj kamandy. Bresckaje «Dynama» z-za nieadnaznačnaha pienalci sastupiła čempijonu Izraila i vylecieła ź Lihi čempijonaŭ. Zaraz bieraściejcaŭ budzie čakać płej-of Lihi Jeŭropy, dzie vyrašycca, ci budzie ŭ biełarusaŭ jeŭrakubkavaja vosień.
Barysaŭski BATE palacieŭ u Bałharyju biez svaich lidaraŭ Stasieviča i Drahuna, jakija padchapili karanavirus paśla adłučki ŭ zbornuju, i tam prajhraŭ safijskamu CSKA, abmiežavaŭšy svoj udzieł u jeŭrakubkach da adnoj hulni. Što dla barysaŭcaŭ vielmi niazvykła.
Što tyčycca vyšejšaj lihi, to minuły tur akazaŭsia vielmi bahatym na zabityja miačy: 37 hałoŭ u 7 matčach (u siarednim bolš za 5 za hulniu). «Viciebsk» niečakana daŭ siabie razhramić ź nieprystojnym likam u Salihorsku, a minskaje «Dynama», dvojčy vyjhravajučy pa chodu hulni, prajhrała bresckim adnakłubnikam.
Fota: FK «Isłač».
Voś usie vyniki 23 tura:
- «Minsk» — «Haradzieja» 3:0 (7, Nasibulin; 69, Hryboŭski; 85, Šramčanka)
- «Ruch» — «Nioman» 2:3 (48, Šaŭčenka; 79, Sadoŭski — 2, 54, Marušyč; 14, Žukoŭski)
- BATE — «Smalavičy» 5:2 (40, 61, Vilumsan; 42, 80, Skavyš; 75, Ja. Filipavič — 51, Džyhiera; 85, Chankievič)
- «Šachcior» — «Viciebsk» 5:0 (20, Ivanavič; 24, Boduł; 53, Kiendyš; 77, A. Archipaŭ; 89, Jachšybojeŭ)
- «Dynama-Minsk» — «Dynama-Brest» 2:4 (11, Kazłoŭ; 72, Bachar — 65, 76, 90+3, Działo; 89 (p), Savicki)
- «Biełšyna» — «Isłač» 2:3 (45+1 (p), 81 (p), Salimaŭ — 11, Kamaroŭski; 77, Jansane; 90+2, Jusaŭ)
- «Tarpieda-BiełAZ» — «Słavija» 4:2 (20, Bardačoŭ; 45, Viałozu; 62, Ancileŭski; 72, Chačaturan — 11, Tetech; 79, Mielnikaŭ)
- «Enierhietyk-BDU» — «Słuck» — matč pieraniesieny.
TURNIRNAJA TABLICA
Što nas čakaje ŭ nastupnym tury?
«Smalavičy» — «Ruch»
- 18.09, 16:30. Smalavičy, stadyjon «Aziorny».
- Kaeficyjenty: «Smalavičy» (pieramoha) — 7.50; ničyja — 4.90; «Ruch» (pieramoha) — 1.47.
«Ruch» jedzie ŭ hości da bieznadziejna najhoršaj kamandy lihi, kab raspačać novuju sieryju biez parazaŭ, jakuju ŭ papiarednim tury pierarvaŭ «Nioman».
«Smalavičam» udałosia zabić dvojčy BATE, ale paźbiehnuć razhromu nie atrymałasia.
Prahnoz «NN»: pieramoha «Ruchu».
«Nioman» — «Minsk»
- 18.09, 18:30. Hrodna, CSK «Nioman».
- Kaeficyjenty: «Nioman» (pieramoha) — 1.53; ničyja — 4.40; «Minsk» (pieramoha) — 7.10.
Bukmiekiery ŭpeŭnienyja ŭ pieramozie «Niomana», ale my b nie byli nastolki pierakananyja. Pa-pieršaje, my ŭžo pisali pra palapšeńnie vynikaŭ «Minska» z prychodam Vadzima Skrypčanki.
A pa-druhoje, haradziency i minčuki sustrakalisia nie tak daŭno ŭ pieraniesienym matčy pieršaha kruha, i tam «Minsk» zdoleŭ pieramahčy kamandu, jakaja pretenduje na miedali, zabiŭšy čatyry miačy.
Tamu pytańnie pra pieramožcu adkrytaje.
Prahnoz «NN»: totał, bolšy za 2.5.
«Viciebsk» — «Biełšyna»
- 19.09, 14:00. CSK FK «Viciebsk».
- Kaeficyjenty: «Viciebsk» (pieramoha) — 1.75; ničyja — 3.70; «Biełšyna» (pieramoha) — 5.60.
Mała taho što «Viciebsk» razhromna sastupiŭ «Šachcioru», dyk jašče i najlepšy bambardzir kamandy Ijon Nikałajesku syšoŭ z kamandy. Ciapier małdavanin budzie hulać u Słavakii.
«Biełšyna» praciahvaje zmahacca. U papiarednim tury babrujcy ŭžo ŭ dadadzieny čas prajhrali «Isłačy», ale miaža zony vyletu ŭsiaho za adzin turnirny bał.
Prahnoz «NN»: «Biełšyna» nie sastupić.
«Dynama-Brest» — «Enierhietyk-BDU»
- 19.09, 16:00. DASK «Brescki».
- Kaeficyjenty: «Dynama» (pieramoha) — 1.68; ničyja — 4.35; «Enierhietyk-BDU» (pieramoha) — 5.10.
U «Dynama» raskryŭsia novy bambardzir. Sieniehalec Działo spačatku adznačyŭsia tryma hałami ŭ matčach Lihi čempijonaŭ, a ŭ minuły ŭik-end zrabiŭ chet-tryk u bramu minskich adnakłubnikaŭ.
Abdułaje Działo. Fota: FK «Dynama-Brest».
U mai «studenty» doma davoli ŭpeŭniena pieramahli ŭ čempijonaŭ. Ci atrymajecca paŭtaryć pośpiech z ulikam taho, što minski kłub amal miesiac zastavaŭsia biez matčaŭ vyšejšaj lihi?
Prahnoz «NN»: totał, bolšy za 2.5.
«Haradzieja» — «Tarpieda-BiełAZ»
- 19.09, 18:00. Stadyjon «Haradzieja».
- Kaeficyjenty: «Haradzieja» (pieramoha) — 5.00; ničyja — 4.20; «Tarpieda-BiełAZ» (pieramoha) — 1.72.
«Haradzieja» ŭ ciažkim stanoviščy: «cukrovyja» nie mohuć vyjhrać u lizie bolš za dva miesiacy. Na dapamohu im adpravilisia ŭ arendu dva maładyja hulcy z «Šachciora».
Što tyčycca žodzincaŭ, to ŭ ich usio naadvarot: kamanda idzie na čaćviortym miescy, adna pieramoha — i jany na pjedestale. I čamu b jaje nie zdabyć u hulni z 14-j kamandaj lihi?
Prahnoz «NN»: pieramoha «Tarpieda».
«Isłač» — «Dynama-Minsk»
- 20.09, 13:00. Minsk, stadyjon «Traktar».
- Kaeficyjenty: «Isłač» (pieramoha) — 2.78; ničyja — 3.48; «Dynama-Minsk» (pieramoha) — 2.72.
Pa čutkach, u «Isłačy» try miesiacy futbalisty nie atrymlivajuć zarobki. Ale heta nie pieraškadžaje kłubu štampavać pieramohi adnu za adnoj. Ciapier «vaŭki» dzielać čaćviorty radok.
Pra stanovišča minskaha «Dynama» ŭ čarhovy raz pisać nie chočacca: tam ničoha nie źmianiłasia.
Prahnoz «NN»: ničyja.
«Słuck» — BATE
- 20.09, 15:00. Słuck, stadyjon «Haradski».
- Kaeficyjenty: «Słuck» (pieramoha) — 8.50; ničyja — 5.35; BATE (pieramoha) — 1.40.
Słuččaki amal miesiac nie mieli hulniavoj praktyki ŭ vyšejšaj lizie. Za leta skład kamandy surjozna abnaviŭsia, i takim rostaram kłub budzie zmahacca za vyžyvańnie.
U Słuck jedzie BATE, jakoje zastałosia bieź jeŭrakubkaŭ i jakoje ciapier zasiarodzicca na baraćba za čempijonstva. Tolki tytuł, vidać, moža vyratavać kłub ad dalejšaha rehresu.
Prahnoz «NN»: pieramoha BATE.
«Słavija» — «Šachcior»
- 20.09, 17:00. Mazyr, stadyjon «Junactva».
- Kaeficyjenty: «Słavija» (pieramoha) — 7.80; ničyja — 4.90; «Šachcior» (pieramoha) — 1.45.
Hałoŭnym kankurentam BATE ŭ baraćbie za čempijonstva zastajecca «Šachcior». Debiut Ramana Hryharčuka vydaŭsia zvyšpaśpiachovym, praciahnieš u takim tempie — ty čempijon. Tym bolš što nastupny supiernik nie moža pieramahčy z pačatku lipienia.
Ale my viedajem, što hałoŭny vorah salihorskaha kłuba — jany sami i ich kiraŭnictva. Tamu kancoŭka siezona abiacaje być vielmi cikavaj.
Prahnoz «NN»: pieramoha «Šachciora».
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!