Śviatłana Cichanoŭskaja prakamientavała cisk na Mikałaja Kazieku, jakoha pazbavili imiannoj stypiendyi, i ŭsich spartsmienaŭ Biełarusi.
«Mikałaj Kazieka — niaźmienny hałoŭny trenier nacyjanalnaj kamandy Biełarusi pa frystajle z 1993 hoda. Jon vychavaŭ niekalkich alimpijskich čempijonaŭ. Jon u prafiesii daŭžej, čym Łukašenka va ŭładzie. Ale siońnia ŭ jaho adabrali imiannuju prezidenckuju stypiendyju i zapatrabavali viarnuć hrošy za ceły hod. Heta pramy cisk na spartsmienaŭ i asabista na Mikałaja Ivanaviča za toje, što jon skazaŭ ab niedapuščalnaści hvałtu ŭ adnosinach da mirnych hramadzian.
Ludziej zvalniajuć, pazbaŭlajuć zvańniaŭ i srodkaŭ da isnavańnia, jakija jany zarabili sumlennaj i ciažkaj pracaj, — u adroźnieńnie ad tak zvanaj «ułady».
Ciapier šmatlikich spartsmienaŭ abaviazvajuć vypłačvać hrošy za navučańnie. Ja asabista daju harantyju, što praviadu ekanamičnuju amnistyju ŭsim spartsmienam, jakich šantažujuć takim nizkim sposabam. Niervovaja ahonija režymu prymušaje jaho prymać padobnyja rašeńni. Ale našu salidarnaść užo nie złamać!»
