MZS Biełarusi nastojliva zaklikaje ŭkrainskija ŭłady pavažać fundamientalnyja pravy čałavieka, pravy viernikaŭ, ahulnapryznanyja demakratyčnyja normy, prytrymlivacca pryncypaŭ humanizmu. Pra heta BiełTA zajaviŭ pres-sakratar MZS Anatol Hłaz, kamientujučy zajavu ofisa prezidenta Ukrainy ŭ dačynieńni da situacyi ź pilihrymami-chasidami na biełaruska-ŭkrainskaj miažy.
U pryvatnaści, u ofisie ŭkrainskaha prezidenta zaklikali biełaruskija ŭłady nie stvarać dadatkovaje napružańnie na miažy.
«Słuchajcie, voś ščyra, chopić zajmacca zahavorvańniem prablemy. Jość pytańnie, i jaho treba i možna vyrašyć. Tam bolš za tysiaču čałaviek, jakija vymušanyja načavać pad adkrytym niebam. Heta absalutna nie pa-ludsku. I zaraz važna heta, a nie demahohija i sproby ŭkrainskich uładaŭ pierakłaści na inšych adkaznaść za elemientarnuju nieachvotu šukać vyjście ź situacyi», — zajaviŭ Anatol Hłaz.
«My nastojliva zaklikajem ukrainskija ŭłady pavažać fundamientalnyja pravy čałavieka, pravy viernikaŭ, ahulnapryznanyja demakratyčnyja normy, prytrymlivacca pryncypaŭ humanizmu. Nieabchodna spuścicca na ziamlu i prosta pačać dyjałoh z hetymi ludźmi, jany nie patrabujuć ničoha zvyšnaturalnaha — tolki pavahi da svaich bazavych pravoŭ. I hetaje pytańnie my budziem trymać na kantroli, — padkreśliŭ aficyjny pradstaŭnik biełaruskaha MZS. — Heta žyvyja ludzi, jakija tranzitam apynulisia na biełaruskaj ziamli, jedučy va Ukrainu. I, prabačcie, my nie možam kinuć ich na volu losu kala zakrytaj ukraincami miažy».
